Oleh: Ranggo Mala JT Sumber: (Pemuda Minang Bumi Khatulistiwa) 24 Oktober pukul 1:47 · Assalamualaikum..... Untuak ka paga diri dalam bakawan Ado limo sifat nan musti dipakai dalam pergaulan. Manolah caro nan limo, - Partamo, panyapo - Kaduo, pamuji - Katigo, panolong - Kaampek, pamaaf - Nan Kalimo, panyuko. Nan partamo Tagua sapo dimaa basuo, ibaraik asahan silaturrahim, batin tajam, budi bakilek. Paramah baso katuju, muluik manih kucindan murah, sopan jo santun dilabiahkan. Nan elok, nan rancak bana awak dulu mulai manyapo nan bansaik, sapo dahulu piliah-piliah manyapo gadih, tanyo-batanyo ka sia tantang hobi, tantang usaho, tantang dnsanak familinyo. Kok anak tingga di kampuang, sapo satiok urang lalu, usah disibak jo di sisiah. SaPangkek rang gaek dipa-apak, patuik ba mamak imbau mamak, ba-inyiak atau ba-angku, ka nan ketek baitu pulo. Nyampang awak di rantau urang, asal kenal wajib disapo. Paliang indak, angguak ketek, bahalo, baangkek tangan, itu kapalo b